قالت النجمة التونسية يسرا المسعودي، خلال لقاء خاص مع موقع فوشيا المختص باخبار الفن. إنها تلقت ردود أفعال متنوعة من قبل الجمهور على دورها في مسلسل “حكايات بنات”، وقالت أن غالبية الرسائل التي تلقتها هي هجوم على شخصية “داليا”.
وأوضحت يسرا: “جاتلي رسائل من ناس نفسهم يقتلوا داليا، أو يجيبوني من شعري، الدور أثر في الناس جدًا. وده دليل إن الشخصية دي شايفينها في حياتهم العادية”.
وأضافت: “اللي أنا استغربتله وأنا بلعب شخصية داليا، إن إزاي في حد بيبقى كل هدفه يدمر حياة اتنين بيحبوا بعض وعايشين في سعادة، الشخصية دي موجودة واتفاجئت إنها موجودة بطريقة كبيرة جدا. وجاتلي رسايل كتير أوي بيقولولي عاوزين نقتل داليا أو نشوه وشها بمياه نار. المصطلحات الي الناس بيستخدموها عن الشخصية دي صعبة أوي، ومتغاظين منها جدًا”.
وتابعت: “مكنتش متعمدة ألعب شخصية شريرة، أنا بحب الشخصيات اللي بتستفزني وفيها عمق وأحداث متنوعة ومركبة”.
وأردفت حديثها قائلة: “في الحلقة الأخيرة، داليا قالت جملة مهمة جدا وعظيمة هتأثر في حياة أي بنت، قالت: الست لما تبقى شايفة نفسها جدا وتتخان، بتتجنن”.
- ناخب يصوت لـ هيفاء وهبي بالانتخابات الأمريكية والفنانة ترد (صورة)
- نسرين طافش: خطيبي ليس خليجيا.. ومعلومات حول رصيدها البنكي
وحول إقامتها في مصر قالت: “اتعلمت مصري من أول ما جيت مصر، مش غريبة عليا ولا على أحاسيسي وطبعي ولا البيئة الي اتربيت فيها، أنا اتربيت على الأفلام المصرية والعادات والتقاليد المصرية”.
واضافت: “لما جيت مصر محستش إني غريبة خالص، ساعات بنزل بوستات عن الغربة والوجع بس ده علشان اشتياق للأصحاب والأهل، إنما أنا حاسة إني مولودة هنا”.
- “شاهد” فتاة سعودية تتحرش بشاب في المدينة المنورة وتثير غضب الجمهور
- أجزاء بشرية مقطعة لسيدة وابنتها بالبريمي في سلطنة عُمان
كما وتطرقت للحديث عن أعمالها الجديدة قائلة:
“عندي دلوقتي مسلسل الآنسة فرح، هيتعرض الشهر الجاي، بلعب فيه دور ضابطة شرطة والحلقة الأخيرة هتبقى مفاجأة”.
وأكملت: “عندي كمان مسلسل (القاهرة كابول)، دور حليمة، بنت رومانسية وجميلة جدا، لإن الناس بتطلب إني أعمل دور يخليهم يحبوني، وعايزة أقولهم اتفرجوا على المسلسل ده والآنسة فرح”.
وأردفت: “في كمان مسلسل (شارع 9) بلعب فيه شخصية مختلفة تماما، ليها تفاصيل ومركبة. وفي فيلم نازل قريب (صابر وراضي) مع النجم أحمد آدم، شخصية درامية بعيدة عن الكوميدية رغم إن الفيلم كوميدي”.
ثم اخيرا اختتمت حديثها بالقول: “الحمد لله اللي وصلتله اجتهاد مش بس حظ، ربنا كرمني بالأعمال دي. أنا مش بلاقي الشغل ده بسهولة، بجتهد وبتعب أوي وده كله يلخص كلمة الحظ”.