أحمد سعد يغطي الوشم.. ويشكر مصطفى حسني على تقبله!

قام النجم المصري أحمد سعد بمشاركة صورة جديدة له برفقة الداعية مصطفي حسني داخل المسجد وذلك بعد الانتقادات و موجة الجدل التي تعرض لها في الفترة السابقة بسبب نشره لصورة ظهر فيها بوشم كبير على ذراعه.

نشر سعد عبر حسابه الرسمي على موقع التواصل الاجتماعي ”إنستغرام“ صورة جديدة مع الداعية حسني. ظهر مرتديًا ملابس تُخفي الوشم.

علق على الصورة قائلًا: ”الجمعة اللي فاتت قابلت الشيخ مصطفى حسني بعد صلاة الجمعة واتصورنا مع بعض ونزلت الصورة، حكم الناس وتعليقاتهم كان هجومي جدا وكأن الجنة والنار اجتمعوا مع بعض في صورة واحدة“.

وتابع: ”قد إيه فرحني الشيخ مصطفى حسني لما قابلته الجمعة دي كمان وسألته أوعى تكون التعليقات ضايقتك ولو حابب اشيلها. قالي ازاي بتقول كده! انت صاحبي ويلا ناخد صورة كمان“.

وأردف: ”بيفرق أوي إن يكون في إيدك تكتب تعليق يجرح ويضايق حد وإنك يكون في إيدك كلمة حلوة تفرح بيها حد حتى لو مختلف عنك“.

وأضاف: ”شكراً يا شيخ مصطفى حسني على انفتاحك وتقبلك الآخرين زي ماهم وده دليل كبير أوي انك حقيقي وان المواعظ والمحبه اللي بتتكلم عنهم في خطبك حقيقي مش كلام بس“.

وعبر عن أمله بأن ”نتعلم نتقبل الآخرين أو على الأقل مانجرحش فيهم لمجرد اختلافنا عنهم وان علاقتنا بربنا شيء خاص جدا“.

اندهش بعض المتابعين من ان يشكر أحمد سعد الداعية الاسلامي على تقبله له حيث علق احدهم:. “يانجوميه لازم يتقبلك هو انت هندوسي ماانت مسلم ياعم احمد وبعدين النار والجنه دول بتوع ربنا مش بتوع حد انت اد الدنيا”.

يوم الجمعة الماضي نشر سعد صورته مع الداعية الإسلامي، عبر حسابه على انستغرام وعلق عليها قائلا: .”مع شيخ الفكر والمحبة مصطفى حسني وجمعة مباركة“

• نجمة مصرية تثير الجدل بزواجها من كلبها!
• منى السابر تكشف عن مفاجأة سارة في قضيتها مع ابنتها حلا الترك