والدة عمر طارق العريان تكشف تفاصيل مشاجرة إبنها في لبنان

كشفت هالة العتال والدة عمر طارق العريان تفاصيل مشاجرة إبنها في أحد الملاهي الليلية في لبنان والتي تسببت في خضوعه لأكثر من عملية جراحية عقب تعرضه لكسور في قدمه ويديه .

فكتبت تدوينة قالت فيها: ” الحمد لله رب العالمين على كرمك ولطفك .. ألف حمد وشكر رجوع إبني لمصر وأحب أشكر مصر للطيران على تعاونها معنا وحرسها على سلامة إبني ده أولا أما بالنسبة لرفضي الرد على صحفي هو اهتمامي بعمر وسفري ليه بعد كام ساعة وربنا يعلم بحالي ساعتها .. ممكن أرد دلوقت ” .

وأضافت : ” إبني محترم من عيلة بتفهم في الأصول ومتربي علي معاملة الناس كلها باحترام وخصوصا المرأة يعني إبني مضربش حد علي وشه .. إبني كان مع خطيبته وصاحبتها وكل مشكلته إنه مارضيش يسلم على واحدة فاضايقت أوي وعملت المشكلة وكان هو لوحده بس ” .

وأردفت: ” وفجأة خناقة مع عشرة للأسف إني بقول رجالة وهو كان راجل بيدافع عن خطيبته والبنات اللي معاهم لوحده مع عشرة بيتخانقوا معاه وكان هيتقتل لولا ستر ربنا .. حق إبني هيرجع إن شاء الله وأنا واثقة في القضاء اللبناني ” .

وواصلت: ” ومعلومة بيحاولوا يعتذروا وكلموا عمر وطارق كتير وعندي المكالمات وعايزين يتصالحوا لأنهم عارفين أن مصيرهم السجن وده استحالة طبعا لأن إبني عمل عمليات وده حرام بس أنا بقول الحمد لله لأنه طلع راجل ” .

واختتمت: ” وهو معايا أنا وطارق وخطيبته ووسط أهله أصحابه وإن شاء الله يتمم شفاءه علي خير .. وده أول كلام عن لساني بعد الهري اللي حصل وحسبي الله ونعم الوكيل في أي حد اتسبب في أذى لإبني ” .

• بلقيس تنشر صور عفوية وبإطلالة أنيقة.. والجمهور معجب!
• صور جديدة لنادية الجندي.. والجمهور يعلّق!
• سوزان نجم الدين غاضبة وتلجأ للقضاء.. ما القصة؟ كما
• ريهام سعيد توجه رسالة للجمهور من داخل المستشفى.. وهذا ما طلبته