نشرت البلوجر المصرية إسراء أحمد، المعروفة بـ أم روح حلوة، مجموعة من الصور عبر صفحتها الشخصية عبر فيسبوك، وذلك بعد إجرائها عملية جراحية في الوجه.
وأعلنت البلوجر المصرية أنها تجري خلال هذه الفترة مجموعة من العمليات التجميلية في وجهها، مشيرة إلى أنها مازالت مستمرة في هذا الأمر.
وكتبت أم روح حلوة عبر حسابها على فيسبوك: السلام عليكم، أحب اطمنكم عليا، بصوا عاوزاكم تنبهروا وتقولولي كلام حلو.
وأضافت البلوجر المصرية: المفروض إني لسه هكمل بقى رحلة العلاج والعمليات، ادعولي.
وتابعت إسراء أحمد: هو أنا لسه مش بقدر أضحك أو آكل عشان لسة في خياطة في بؤي، بس أنا قولت أفرحكم بيا معايا.
وأوضحت إسراء أحمد من قبل أسباب الخضوع لتلك العملية، خاصة أنها دائما ما تعلن عن تصالحها مع شكلها، وسط كل التنمر الذي تتعرض له.
وقالت إسراء في منشور سابق لها: في معلومة أنا حابة أوضحها أو أصححها لبعض الناس.. أنا عملت العملية عشان ده علاج وأنا كنت حابه أتعالج وأعيش حياة بشكل أحسن وطريقة أكلي تتحسن وصوتي يكون أوضح وشكلي يكون طبيعي أكثر.
وأضافت: إنما أنا مش عامله العملية عشان بتعرض للتنمر.. التنمر ده هفضل أنا وناس كتير طول حياتنا نعاني منه، بنحاول نتكلم ونقاومه لكن الناس هتفضل تتكلم طول الوقت على رأي صديقه ليا قالتلي في ناس خلقت لتعترض هما هيفضلوا موجودين.
وأكملت البلوجر: رضاء الناس غاية لا تدرك، أنا مش بحاول أرضي حد، أنا بحاول أراضي نفسي وأطيب بخاطري وإن شاء الله ربنا معايا ويكرمني بنتيجة تراضي قلبي.
أيضا، كشفت البلوجر المعروفة بـ أم روح حلوة، عن وضعها جهاز في وجهها بشكل دائم، من أجل العملية، وبعد مرور عدة أسابيع، أعلنت عن تطور حالتها وخلع الجهاز من وجهها: فقالت: عندي ليكم خبر حل، أنا خلاص هشيل الجهاز إن شاء الله في خلال أيام وهنعمل ده في عملية ومخبيش عليكم إحنا بقينا أهل أنا خايفة.
واستطردت حديثها قائلة: حقيقي عشت أيام صعبة مكنتش اتخيل نفسي همر بيها ولا هقدر اعيشها، لو حد كان حكالي إني همر بكل ده مكنتش هصدق إني هقدر وهكمل.. الحمدلله إني مكملة ولسه هكمل وحاسه بشكر وحمد لربنا إنه قدرني وعيشت في كل ده.
وشكرت البلوجر كل من دعمها، فقالت: شكرًا لنفسي اني حاولت بكل طاقتي اني اساعد نفسي، وشكرًا لناس كتير موجودة حواليا على قد مقدرتهم.. ادعولي ربنا يقويني وأقدر أكمل الباقي لأني لسا قدامي شهر كمان عشان أشيل الجهاز.. وشكرًا لوجودكم وشكرًا لسؤالكم حقيقي.
وأردفت: على قد ما أنا بعيش في وجع نفسي وجسدي وصدمات بقى في الناس ومعادنهم وقد إيه الموضوع متعب ومؤذي، وكنت فاكرة نفسي ناضجة بقى وكبيرة كفاية إني اعرف استوعب الاحداث، وده ماطلعش حقيقي ولسه بتعلم جدًا
على قد ما أنا مبسوطة إني بحقق حلم السنين بوجع وتعب بس انا اتمنت كتير اوي اعمل العمليات وتحسن.
وتستكمل الفتاة حديثها في روي المعاناة التي تعيشها خلال الفترة الحالية، فتقول: الحمدلله على النعمة اللي ربنا رزقني بيها في حياتي دلوقتي وهي تحقيق حلم عمري كله، وآه على فكرة جهازي لونه بنفسجي وحلو.
وأفادت: حقيقي مع كل الوجع والآلام اللي بحس بيها مع وجود جهاز مالي وشيء بيتربط كل يوم عشان يقدم وشيء لقدام، فأنا حقيقي لامسة وشايفة رحمة ربنا ليا، وحقيقي يارب الحمدلله على كل حاجة بتحصلي وأنا كنت لسه بتكلم في قد ايه أنا مفتقدة نعمة الرضا وربنا عشان عالم بيا ادهاني تاني ويارب يديمها نعمة ويحفظها من الزوال.
جاءت أسعار صرف الدولار واليورو مقابل الليرة التركية في تعاملات الخميس بمدينة إسطنبول عند الساعة…
تنبيه هام إلى السوريين الذين يقيمون في هاتاي والولايات التركية الأخرى، يرجى الانتباه إلى إجراءات…
أعلنت الشركة المشغلة لنفق أوراسيا، عبر الموقع الرسمي للنفق، رفع رسوم العبور من نفق أوراسيا…
حذر رئيس المكتب السياسي لحركة حماس إسماعيل هنية، مساء الأربعاء، من أن إصرار إسرائيل على…
أكد القيادي في حركة حماس سامي أبو زهري، الثلاثاء، أنه "لا معنى" لعقد أي اتفاق…
وصف وزير الخارجية التركي هاكان فيدان قتل إسرائيل آلاف الأبرياء الفلسطينيين بشكل ممنهج وتهجيرها الملايين…
هذا الموقع يستعمل ملفات تعريف الارتباط (الكوكيز) لتحسين تجربة استخدامك.