ياسمين عز تثير الجدل: ’’ليه الراجل لما بيخطب بيقول عايز إيد بنتك مش رجلها؟’’

صرحت الإعلامية ياسمين عز أن هناك دراسة تثبت أن الرجل هو منبع السكر، ووجهت حديثها إلي النساء في حلقة اليوم من برنامج “كلام الناس” الذي يبث عبر فضائية “إم بي سي مصر” حيث قالت “في دراسة أكدت أن الراجل هو أصل السكر، ولو جوزك صاحب مطعم هتلاقيه عينه مليانة، ولو دخل عنده مليون واحدة، مراته هتفضل في عيونه ست البنات”.

وأضافت: “لو عزمتي أي حد من أهلك في البيت عمره ما يزعل منك”.

وتابعت: “ليه الرجل أما يروح يخطب بيقول لحماه أنا عايز ايد بنتك.. ليه مش بيقول عايز رجلها أو ودنها؟.. أنا أقولك ليه.. الايد هي اللي بتطبخ.. وكمان لأن الايد هي اللي هتطبطب عليه، وهي منبع الحنان، وده سبب الحكاية دي”.

واستطردت: “إياكي تعملي زي دعاء وبلاش تقومي جوزك على سلفتك وتخليه ميديهاش نصيبها هي وعيالها في الميراث”.

وأردفت موجهة بذلك حديثها للنساء: “متعمليش زي سهير.. بتسخن حماتها على سلفتها ليل نهار وتقولها مش مهتمة بيكي ولا بجوزها وبيتها كله تراب ومش بتلمع النجف ومفرش سفرتها كله بقع”.

واختتمت: “إوعي تعملي زي أميرة.. مش كل ما سلفتك تعمل حاجة في بيتها أو شكلها تقولي اشمعنى وتحملي جوزك فوق طاقته عشان عايزة تقلديها”.