جليلة المغربية ترد على تسببها في طلاق تامر حسني وبسمة بوسيل

قامت البلوجر جليلة المغربية بالرد على الاتهامات الموجهة لها بشأن تسببها في انفصال الفنان تامر حسني وبسمة بوسيل لوجود حب سابق بينها وبين تامر.

وقالت: “بخصوص انفصال تامر حسني عاوزة أوضح إني ماليش دعوة لا من قريب ولا من بعيد، لأن البعض بيتهمني إني السبب، لكن أنا بقالي سنة قافلة الموضوع ده.”

وأضافت:”أنا مش شماعة علشان أي حاجة تنزل تعلقوها في جليلة وفي أكونتات عاملين فوتوشوب لحاجات أنا مش قايلاها.”

وتابعت:” انفصال تامر حسني وبسمة بوسيل قسمة ونصيب ومن ربنا لو كانوا فشلوا في جوازهم، ومش أي حاجة تحصل في الكوكب تقولوا جليلة السبب أنا مش شماعة تتعلق عليا أي حاجة تحصل.”

واشارت الى عدم انزعاجها من ارتباط اسمها باسم تامر حسني قائلة: “أنا وتامر عشرة سنين ومش بزعل لما بشوف اسمي أو صوري مرتبط به دي حاجة طبيعية؛ لأني بحترمه على المستوى الفني والإنساني وربنا يوفقه ويكتب له الخير، وانفصاله حاجة من ربنا؛ لأنه بيجيب لنا الخير دائما.”

مؤخراً كشفت جليلة المغربية، تفاصيل علاقتها بتامر حسني، بعد ارتباط اسمها به وتردد الشائعات التي تفيد وجود علاقة حب بينهما.

وأوضحت إنها عاشت مع تامر حسني 11 سنة حب قبل زواجه معقبة:” قبل زواج تامر حسني من بسمة بوسيل بيوم كنت معه، لا أعرف كيف صار الموضوع، عشت معه قصة حب لمدة 11 سنة، ولا هو عيب ولا حرام، لكني مش خرابة بيوت، وعلاقتي بيه متقطعتش بعد زواجه، وكان لازم أرد لما اتسبيت في شرفي والموضوع وصل لأهلي.”

أمس الخميس أعلنت الفنانة التونسية بسمة بوسيل طلاقها بشكل رسمي من الفنان تامر حسني.

كتبت سمة بوسيل على موقع إنستغرام:” وجعلنا بينكم مودة ورحمة، دا كلام ربنا في الزواج والطلاق لقد تم الطلاق بيني وبين تامر حسني. ”

وكتب تامر: “وجعلنا بينكم مودة ورحمة، دا كلام ربنا في الزواج والطلاق وتم الطلاق بيني وبين بسمة بوسيل وسيظل بيننا كل ود واحترام وربنا يكتبلك ويكتبلي كل خير، وعشرة 12 سنة مش قليل يا بسوم وسأظل الاب والاخ والصديق والسند.. في حفظ الله”.