“الجمال مش كل حاجة”.. حورية فرغلي تثير الجدل بتصريحاتها

طمأنت الفنانة المصرية حورية فرغلي جمهروها على حالتها الصحية بعد خضوعها لعملية استئصال رحم بعد اكتشاف ورم خبيث به.

وقالت: “أنا مؤمنة بقضاء ربنا، ومن صغري وأنا عارفة أن عندي ورم في الرحم وعارفة أن دي وراثة، شالولي الرحم والورم كان لازق في كل حتة وقعدوا خمس ساعات يفكوه”.

وتابعت: “حاسة بنفسي أحسن بكتير وعندي طاقة ومش تعبانة وباكل كويس لإن الورم اللي على الرحم كان مأثر عليا، ودي مش أول مرة أخضع لعملية، عملت عملية شبه دي وأنا عندي 30 سنة وكان عندي 7 أورام والدكتور قال لي قدامك 10 سنين وبالمساعدة تقدري تحملي ولما تخلفي وأنا بولدك هشيل لك الرحم، وما أتجوزتش خلال المدة دي”.

واستطردت: “عمري ما مسكت بيبي ولما مسكتها حسيت وكإني بتكلم مع بنتي، وفي آخر الكلام قلت لها هسميكي حورية، وكنت بتكلم من قلبي، وكان نفسي أجيب بنت وده حلمي طول عمري، ومش عارفة إيه ممكن يعوض الإحساس ده، خاصة إن الحاجة الوحيدة اللي كانت ممكن تفرحني هي إني أجيب بيبي”.

ووجهت رسالة للفتيات قائلة: “الجمال مش كل حاجة، لو أنتي جميلة الناس هتقول واو زي القمر، ولكن لما ياخدوا عليكي هيشوفوكي عادية جدا، واللي بيعيش فعلا هو إنك تتجوزي ويكون عندك ولاد، ودي الحاجة اللي ندمانة عليها”.

واختتمت: “لو رجع بيا الزمن هتجوز للإن هو ده اللي كان هيعيش لي، أصل مين هياخد باله مني وهيحبني بشكلي ده غير جوزي اللي مش عارفة هو فين دلوقتي وإن شاء الله يظهر”.

عادت حورية فرغلي مؤخراً من الإمارات بعد إنتهاء تصوير مشاهد فيلم “ظلال مهجورة”، لتعود خلاله الى السينما بعد غياب دام لأكثر من 4 أعوام.

يشارك في بطولة فيلم ” ظلال مهجورة” باقة من ألمع النجوم والفنانين من بينهم رشيد عساف، وحسن عبدالفتاح، منصور الفيلي،نادين خوري، وزهير عبدالكريم وهيا القايدي وعبير اليوسف من مصر، وولاء عزام ودلع نادر، ولين برازي وأيوب الحجلي.

• عارضة أزياء لبنانية شهيرة تعلن مثليتها وصورها مع حبيبتها تثير بلبلة
• أول فيلم عربي يعرض في صالات السينما التركية
• فنانة مصرية تكشف سبب غرق نجل الفنان حسن يوسف