حورية فرغلي تفضح هوية الفتاة التي تسببت في طلاق حسن شاكوش وريم طارق.. مفاجأت ثقيلة

كشفت الممثلة المصرية الشهيرة حورية فرغلي هوية الفتاة التى كانت تقصدها ريم طارق، طليقة الفنان حسن شاكوش، فى تصريحاتها السابقة.

وقالت: “فيه مليون اسم اشمعنى حورية مسكتوا فيه، وأنا عمري مشوفت شاكوش، بس بحب أغانيه، وزعلانة إنه طلق ريم، لو مكانش فيه حب جامد بينهم مكنش هيكون في خناقاتهم، هي بتحبه أوي وغيورة عليه، بس هو مش عايز يبان قدام الناس إنه بتاع ستات”

وتابعت: “وريم المفروض كانت تتعلم إزاي تخلي حسن ميبصش لحد غيرها، اللي اسمها “سارة” دي انتو سافرتو مع بعض وخرجتو مع بعض، فمحبتش اسمي يجي في حاجة زي دي، أنا زعلت إن الموضوع داخل في حتة الشرف، فلما تقولي اسمي هخرب لكم الدنيا”.

مؤخراً تحدثت ريم طارق، طليقة حسن شاكوش عن خيانة طليقها لها خلال فترة الزواج وقالت: «أنا شايفة إن الشخص اللي مش مكتفي بحد خلاص يسيبه لحد تاني يكتفي بيه ويقدره ويحترمه».

من جهة أخرى، كشفت حورية فرغلي تفاصيل دفنها في مقبرة بالعياط الساعة الثالثة فجراً خلال تصوير مشهد في أحد أعمالها التمثيلية.

وأكدت أنها أصرت على تأدية الدور بنفسها، مشيرة إلى أنها لا تخاف الموت، وتعشق المقابر.

وأفادت بأنها لم تشعر برهبة الموت، بل فوجئت بأن التربة تشبه ثلاجات الموتى وكان الجو بارداً كالثلج.

وتابعت:” أول ما حفروا الحفرة وحطوني تحت كان الجو تلج، كأنها تلاجة موتى، أطلع فوق حر موت، لكن مخوفتش ومحستش بحاجة، لأني كنت عارفة إنه تمثيل، أنا مبخافش من الموت، ومستعدة له، نفسي يجي بصراحة، لأن الدنيا بقى دمها تقيل، الناس اتغيرت وأخلاقها اتغيرت، مبقوش يخافوا وبقا فيه عنف، ومفيش أصول.”

واستطردت: “غلطتي إني مش محجبة، لكن بصلي وبصوم وبطلع زكاة، وحجيت 7 مرات، لكن معملتش ولا عمرة عشان كان لازم يكون معايا محرم، وبواظب بشكل يومي على قراءة سورة الملك قبل ما أنام، وبدعي ربنا يثبتني عند السؤال”.

• تركي آل الشيخ يفجر مفاجأت بشأن موسم الرياض
• بيع سترة للأميرة ديانا مطبعة بالأغنام بسعر خيالي