روان بنت حسين تعتذر للشعب السعودي بعد فيديو العلم الإيراني وتعلق: “كانت غلطة وغباء مني”

وقالت في مقطع فيديو: “الجمهور السعودي هم جمهوري رقم واحد، من 6 سنين أنا اتكلمت في موضوع وطلعت في مقابلات كثيرة، وأقول مش عيب الواحد يغلط لكن عيب يكابر بالغلط والاعتذار من شيم الكبار”.

وأضافت: “طلعت وقولت أنا زعلت شريحة كبيرة من الناس، ودخلت في موضوع لا أفهم فيه وأكبر مني بحكم طيش وصغر سن وغباء”.

وتابعت: “هل يصير أرجع انحط في موقف بعد 6 سنين، أنهان فيه على خطأ سويته واعتذرت عنه في أكثر من مناسبة وبصور رسمية”.

واستطردت: “علاقتي مع الشعب السعودي مو علاقة مشهورة مع جمهور ولكنها صلة رحم وقرابة، وعمتي واخدة سعودي”.

واردفت: “السعودية أهلي وجمهوري، لأننا ككويتين تربينا على حب السعودية ونحن أخوان ومع بعض بالأيام الحلوة والمو حلوة.”

وواصلت: “الموضوع أنا تخطيته واعتذرت عنه مليون مرة، وصار لي شهر أحط أغاني إيرانية على سناب شات ليش الفيديو استفز وايد ناس؟”.

واختتمت: “أنا ما لي بالعلاقة السياسية ما بين إيران وأي بلد ثاني ولا أنا دبلوماسية ولا سياسية.. هل معقول اشتغل علشان اسمي يصير نظيف وكبير، وأجي أدمره في لحظة؟”.