كشف عدد من مشاهير الفن المصريين، عن رأيهم حول الخلاف الذي حدث بين كلا من الفنان أحمد السقا والفنان تامر حسني، نتيجة ظهور الأول على بوستر لفيلم “الفلوس” للأخير، وكانت مشاركته كضيف شرف فيه فقط.
وقال المخرج أحمد البدري: “هذه المواقف تحدث باستمرار، أنا اتشال اسمي كله من على أحد الأعمال الفنية واتكتب شكر خاص فقط، مع إن الفيلم متقدم باسمي أنا”.
وأضاف: “مدام كتبت التنازل فأي حاجة مباحة، الاسم ده حاجة ثانوية، الممثلين بيهولوا الأمور، إنتم أصحاب في الأول والآخر، كتبت اسمي أو مكتبتوش مش هتفرق، أنا بعمل إيه في الفيلم دي أهم حاجة، ولو قبلت إني أكون ضيف شرف يبقى خلاص اسمي يتحط أو لا مش مهم”.
كما وأردف: “الاتنين أصحاب بس الموضوع كله بروباغندا، السوشال ميديا الله يحرقها هي السبب والكل يبحث عن ركوب التريند”.
ومن جانبه، تحدث الفنان الشاب حسني شتا:
“الموضوع بسيط أوي والاتنين أصحاب، إيه في الدنيا محتاج إننا نعقده؟، أنا أكتر حاجة بكرهها التعصب”.
- عاملة نظافة تشرب من المرحاض لإظهار كفاءتها في العمل
- تعرفوا على حبيبة بوراك دينيز .. قضى ليلته بمنزلها (صورة)
بينما قال المخرج أشرف فايق: “مكنش في خلاف ده عتاب بين اتنين نجوم كبار، وبمجرد ما طلع الفنان أحمد السقا والمذيعة قالتله قول فهو قال، الموضوع خلص، وتدخل محمد هنيدي وصالحهم على بعض وهما كلموا بعض في التليفون بمجرد ما نزل اللقاء على التلفزيون. تامر حسني أول ما شاف المقابلة كلم أحمد السقا وانتهى الأمر عند هذا الحد”.
أقرأ المزيد: