عمر كمال يرد على الساخرين من صورته قبل الشهرة

رد النجم المصري عمر كمال، على المتنمرين والساخرين من صورته قبل دخوله المجال الفني والحصول على الشهرة، والتي انتشرت عبر صفحات مواقع التواصل الاجتماعي خلال الأيام الماضية وظهر خلالها بملابس بسيطة ووزن زائد.

ونشر المطرب عبر صفحته الشخصية في”فيسبوك” مساء الثلاثاء، صورتين الأولى ظهر فيها بوزن زائد ويرتدي فيها ملابس بسيطة، والأخرى بعد الشهرة، مؤكدًا أنه يفتخر بالصورة التي أرسلها له النشطاء على مواقع التواصل الاجتماعي ويسخرون فيها منه، وأنه غير محرج منها.

وقال عمر كمال تعليقًا على الصورتين: “كل ما أحط بوست وممكن الناس تشوف بعنيها عشان محدش يقول ده بيحور و بيعمل بوست وتريند ألاقى ناس كتيرة حطالى صورتى اللى ع اليمين ف الكومنتات من باب السخرية .. حتى الصورة اللى منزلها لوالدتى وبعبر عن حبى ليها عشان عيد ميلادها منزلين الصورة من باب السخرية”.

وتابع: “عايز ارد عليهم وأقولهم والله الحمد لله على شكلى ف جميع مراحل حياتى وديه حاجة انا مش بتكسف منها و ادينى نزلت الصورة اهو للناس ف بوست عشان تشوفها ومش مكسوف”.

مضيفًا: “الصورة اللى ع اليمين ديه لانسان كان معندهوش رفاهية انه يروح للدكتور يتابع معاه رچيم او يروح للچيم او حتى عنده وقت يفكر ف شكله .. انسان كان كل همه يشوف السرير بعد يومه الطويل عشان يصحى ليوم تانى أصعب”.

موضحًا:

“مش مهم كنت أيه المهم بقيت أيه.. اشتغلت على نفسى وبكرم وفضل ربنا اشتغلت الحاجة اللى بحبها.. وركبت العربية اللى بحلم بيها.. وكونت نفسى .. وعملت وضع واسم لنفسى .. وربنا جعلنى سبب ف انى شايل مسئولية ناس وفاتح بيوت ناس كتير من غير جنيه من بابى ومامى ولا مساعدة حد غير ربنا ثم دراعى”.

ثم اختتم رسالته إلى الساخرين منه قائلًا: “أشك لو انت انسان عندك حاجة مفيدة ف حياتك تعملها. او عندك هدف ف حياتك ان يبقى عندك وقت تدور على صور حد وتسخر منه .. صدقنى الحياة مفيهاش وقت تضيعه ف الكلام ده شوف حاجة أفيد واعملها”.

أقرأ المزيد:

• أمل الشهراني تكشف سبب انفصالها.. والجمهور يصفها بـ”اليهودية”