نشر النجم المصري ” إسلام إبراهيم ” منشورا له عبر حسابه في ” فيس بوك ” كشف من خلاله عن مهنته قبل دخول مجال الفن والتي استغلها في تقديم نصيحة للأمهات .
فكتب في منشوره قائلا : ” معلش أنا حابب اتكلم في حاجة غيظاني بعيدا عن الفن تماما بما إني كنت في يوم من الأيام أخصائي تخاطب وتعديل سلوك للأطفال وشغلي كله كان مع الأطفال وبردو ده رأيي الشخصي المتواضع ” .
وتابع إسلام إبراهيم : ” هو لما حضرتك تبقي خارجة شارية المول كله وفي إيدك خماستشر كيس وبأكد إنه المول مش السوبر ماركت وطلبات البيت وواقفة ذالة العيل قدام بتاع الكاندي وبتقوليله هنشتري حاجة واحدة بس والطفل يا قلب أمه واقف في عينه حسرة وحيرة ومش عارف يعمل إيه وهو واقف قدام كل الإغراءات والألوانات دي ” .
وأضاف : ” حضرتك كده متخيلة إنك تربوية .. لو هتلزمي الطفل إنه يشتري حاجة واحدة بس يبقي لازم إنتي كمان تشتري حاجة واحدة بس .. الطفل حضرتك أذكي مني ومنك وذاكرته البصرية أعلي مني ومنك عينه دي عبارة عن كاميرا بتخزن كل حاجة عينه شايفة الأكياس في إيدك وودنه بتسمع العكس ” .
واستكمل : ” للأسف بشوف المنظر ده في كل خروجة وبقي بيتكرر كتير جدا .. أكيد تربويا لازم نعلم الطفل يبقي عنده قناعة ورضا وإن مش كل حاجة بنشوفها نقدر نجيبها بس لازم نبدأ بنفسنا الأول نفسي نبطل نبقي حافظين مش فاهمين ” .
واختتم إسلام إبراهيم حديثه ساخرا من صورته التي أرفقها بالمنشور وهو على هيئة طفل فقال : ” طبعا لو الطفل اللي في الصورة ده محدش يجيبلوا حاجة اصلا ” .
أقرأ المزيد/
صرح وزير الخزانة والمالية التركي محمد شيمشك بأن بلاده حققت نتائج ملموسة في مكافحة الاقتصاد…
في قلب شبه الجزيرة التاريخية بمدينة إسطنبول، يقع جامع الفاتح، ويعتبر أول مسجد سلطاني كبير…
تتواصل أعمال الرحلة العلمية التركية الوطنية العاشرة إلى القارة القطبية الجنوبية "أنتاركتيكا"، حيث يعمل باحثون…
نجحت الطائرة التركية بيرقدار أقِنجي الهجومية بدون طيار، في تدمير طائرة مسيرة خلال اختبار إطلاق…
تركيا الآن - أخبار الاقتصاد كشفت بيانات حديثة صادرة عن البنك المركزي التركي عن تحولات…
أثارت واقعة دفع فاتورة بقيمة 600 ليرة تركية مقابل 3 عبوات مياه فقط في أحد…
هذا الموقع يستعمل ملفات تعريف الارتباط (الكوكيز) لتحسين تجربة استخدامك.
