صابرين عن خلعها للحجاب:”اللي هينزل معايا القبر يحاسبني”

تحدثت النجمة صابرين عن ارتدائها الحجاب ثم خلعه وارتداء الباروكة. ثم خلعها نهائيا كما وتحدثت عن الانتقادات التي تعرضت لها.

قالت في برنامج “كلمة أخيرة”للإعلامية لميس الحديدي على شاشة”On”:”لما لبست الحجاب لبسته عن إيمان شديد وكنت في لحظات لخبطة وانفصال في البيت. وخاصة بعد مسلسل أم كلثوم حصل نجاح كبير واستقبالات في العالم وأوسمة متعددة، جتلي حالة عزوف وقتها وكان عندي انفصال ولخبطة خلتني أقعد في البيت. لكن عن إيمان لأن الواحد بيحب يعمل اللي عايزه بصدق”.

وتابعت:” نظرتي اتغيرت كتير بعد المسلسل، في بعض زملاء الفن كانوا بيحبوني عشان حبوبة ولطيفة. وبعدين فوجئت أن نظرتي سقطت فيهم وقلت وقتها أنا إيه ده؟ إيه اللي بيحصل ده؟ باسم المنافسة. أنا مش بتاعت كده خالص، أنا واحدة بتمشي جنب الحيط”.

واضافت:” سألت نفسي ليه هكسب العالم وأخسر نفسي؟ مش صح لازم أكسب نفسي. ولقيت نفسي حابة نفسي دلوقتي أكتر وشكلي مش “فيك” فيه تصالح ورضا، العلاقة بيني وبين ربنا حاجة خاصة جدًا دي علاقة في السر وهي أسمى العلاقات”.

وردت على الانتقادات :” ودايما بقول اللي هينزل معايا القبر ويتحاسب يحاسبني. فيه ناس بتدخل على السوشيال ميديا يوجهولي رسائل من نوعية.. بحبك في الله وأنا بتقبل ده، لكن فيه شريحة تانية شغالة بهدلة وتهزيق ودول لجان”.

• ياسمين صبري بجلسة تصوير أثناء تناول الطعام.. والمتابعون حائرون حول الطبق!
• بإطلالة فاضحة.. الراقصة فيفي عبده للجمهور : ” ادعولي أعيش حياة حلوة عشان أنا منبسطش بحياتي “