سحر رامي تكشف لاول مرة عن تفاصيل وفاة زوجها حسين الامام

كشفت ولاول مرة٬ سحر رامي٬ زوجة الفنان الراحل حسين الامام٬ ما حصل في اللحظات الاخيرة في حياة زوجها الراحل.

جاء ذلك خلال حوار لها على قناة ام بي سي مصر٬ في برنامج كلام الناس الذي تقدمه الاعلامية الشهيرة ياسمين عز

وقالت سحر رامي خلال اللقاء٬ «حسين الإمام مات في حضني، كنا في البيت يوم عيد ميلادي حوالي الساعة 6.30 مساءً، والجو كان حر، هو طلع الحمام واتأخر، فطلعت أشوفه اتأخر ليه، ليكون بياخد دش وسابني أنا والضيوف، أو يمكن يكون اتحبس في الحمام لأن عندنا مشكلة في أوكرة الحمام».

واوضحت سحر رامي: «ناديت عليه قالي افتحي لي عشان مش قادر أخد نفسي، وقع عليا على السرير، في لحظة، أنا كنت مش عارفة إيه اللي بيحصل، في خلال 5 دقايق راح أقل من 5 دقايق، أنا كنت منهارة، وأصحابي طلعوا لي من تحت، لكن مقدرناش نعمل حاجة»

وتابعت «سحر رامي»: «حسين مكنش بيعاني من أي أمراض، التشخيص الدكتور قالي جلطة مفاجأة في الشريان التاجي، ومش بتتلحق غير بحقنة الأدرينالين بتتاخد في القلب، وفي خلال 10 دقائق، مكنتش ممكن تتلحق، ولو اتلحقت بتعمل أثار جانبية زي الشلل أو العمى، وإحنا كنا في بيتنا على الطريق الصحراوي، والحالات دي عشان تتلحق لازميكون هو أصلاً في المستشفى».

 

اترك رد

لن يتم نشر عنوان بريدك الإلكتروني.