فيديو مؤثر.. مواطن سوري يبكي وهو يتحدث عن حالة المحتجزين تحت أنقاض الزلزال المدمر

تداول رواد مواقع السوشل ميديا مقطع فيديو سرد خلاله مواطن سوري معاناة السوريين الذين يبحثون عن أهلهم أسفل أنقاض بيوتهم المنهارة بسبب الزلزال المدمر الذي ضرب تركيا وسوريا فجر الاثنين الماضي .

حيث قال: ” أصعب شيء لما الواحد يشيل الحجارة ليطلع ابنه من تحت الركام، أو يطلع أحد من أهله، نحنا تعبنا، الوضع صعب، تركيا تناشد الدول لتساعدها، 45 دولة بيساعدوها،نحنا ما في أحد”. وتابع وهو يبكي : ” لما تشوف واحد يقول ابني كان نايم هون، هون بهذا الاتجاه، عم بسمعه طالعوه”.

وواصل: ” نحنا دائما الحلقة الأضعف في كل شيء عم بيسير نحنا الحلقة الأضعف، الكل تخلى عنا، مثل هيك كارثة طبيعية الدول تساعد الدول الأخرى، لكن نحنا حتى الطبيعة نواجهها لحالنا، الناس اللي برا بتموت، تخيلوا اللي له أحد كيف بيحس لما عائلته تحت الركام، ابنه اللي كان بيلاعبه تحت الركام، ولا أهله، أنا ما بعرف كيف بدي أحكي، القصص الموجودة تكسر القلب،مناشدة بالله ساعدوا هادول العوائل، الناس بتموت”.

واختتم حديثه قائلا: ” ياالله فرجك، كنا دائما نقول مالنا غير الله، وهلا نرجع نقول مالنا غير الله”.
الجدير بالذكر أن ضحايا الزلزال الذي ضرب تركيا وسوريا الاثتين الماضي تجاوز ال 13 ألف قتيل في البلدين وآلاف المصابين. فيما تواصل فرق الإنقاذ البحث عن الناجين.

 

 

اترك رد

لن يتم نشر عنوان بريدك الإلكتروني.