“عضة أدت إلى غيبوبة” .. كلب مقدمة برامج شهيرة يعتدي على مدير بنك

تعرض مدير بنك يدعى محمد محب الماوى الى اعتداء من قبل كلب “البيتبول” تعود ملكيته لمقدمة برامج الطبخ أميرة شنب عليه .

وكشفت هند سعيد صالح تفاصيل الواقعة مؤكدة إصابة الرجل بقطع نافذ في الأوتار والأعصاب بسبب عضة الكلب، الأمر الذي أدى الى دخوله بغيبوبة بعد توقف قلبه لمدة نصف ساعة.

شاركت منشور عبر تطبيق “فيس بوك” قالت فيه: “محمد محب الماوي، مدير ناجح في بنك عالمي حظه إنه ساكن تحته المذيعة أميرة شنب اللى بتقدم برنامج أميرة في المطبخ، واللي عندها كلب بيتبول ضخم العضلات اللى من المحظور استيرادهم دوليا دول” .

وتابعت: “وبالرغم ان هو محب للحيوانات فعلا، إلا أن الكلب ده كان دايما يهاجمه في الطالعة والنازلة، وكان بيقول أنه صعبان عليه جدا إنه مش واخد عناية كافية في تحسين السلوك وإنه بيهاجم كل اللى بيشوفه” .

وأضافت: “يوم الأحد اللي فات قرر محب إنه يخبط على باب مدام أميرة عشان يطلب منهم يسيطروا شوية على كلبهم بدل ما هو عمال يهاجمهم كده من ورا السور القصير اللي عادي جدا إنه ينط من فوقيه” .

واستطردت: “فتحتله الشغالة، وقبل ما يفتح بوقه بكلمة واحدة، خرج الكلب المفترس ده من وراها وهجم علي محب في مدخل العمارة اللي كان واقف فيه ابنه، وحاول إنه يفدي ابنه .. الكلب حرفياً قام بإفتراسه بدون مبالغة” .

وتابعت“عض في الذراع والفخذ وأماكن متفرقه من الجسم نتج عنها قطع نافذ في الأوتار والأعصاب، وفجأه المدخل كله بقى دم .. طبعا ابنه واقف وشايف ده كله بيحصل لأبوه”.

وأكملت: “بالعناية الإلهية فقط استطاعوا أن يفلتوه من بين أسنانه وتوجهوا به لمستشفى “دار الفؤاد” بحكم إنها أقرب مستشفي كبير لهم، بعد الفحوصات أكدوا إنه هيحتاج لعملية نقل أعصاب من القدم إلى هذا الذراع الذي تم تمزيقه” .

وأردفت: “بعد إجراء الفحص الطبي المطلوب دخل محمد غرفة العمليات وفور إعطاؤه حقنة التخدير توقف القلب لمدة ٣٠ دقيقة تقريباً” .

واختتمت: “دخل فى غيبوبة وتم إعطاؤه صدمات للقلب ونقله للرعاية المركزة وتم تأجيل العملية لأجل غير مسمى حتي يعود مرة أخرى للحياة .. المحزن إنه لم يعد للوعى حتي الآن” .