“بيحب واحدة تانية وفرحكم ده فيلم” .. رسالة لزوجة حسن شاكوش بعد ساعات من زفافهما

افاد مطرب المهرجانات حسن شاكوش بأن زوجته ريم طارق تلقت رسالة كيدية في اليوم الثاني من زفافهما من أجل الايقاع بينها وبين زوجها.

قال خلال لقائه مع الإعلامية بسمة وهبة في برنامج “العرافة”: “يوم الفرح روحنا البيت، تاني يوم رسالة كده مبعوتة يا ريم انتي صعبانة عليا علشان حسن بيحب واحدة تانية وهيتجوزها وهو مفهم التانية دي إن الفرح ده كله فيلم” .

وأضاف: “معقولة أنا هصرف المصاريف دي كلها ورايح واخد واحدة من أهلها وجايب أهلي وكل النجوم دي علشان خاطر أعمل بروباجندا، طب ما أنا وأنا قاعد في البيت وعايز أعمل بروباجندا هعملها من غير ما اصرف المصاريف دي كلها واوفرها أنا أولى بيها” .

وعن رد فعل زوجته قال: “هي متفهمة جدا وقريبة من ربنا، مبتاخدش كل حاجة بعصبية وبخناق ومبتحبش الصوت العالي، وجت قالتلي وهي عارفة طبعي لإنها بنت منطقتي، إن أنا مبحبش حد يكلمني في موضوع حتى وأنا غلطان بصوت عالي” .

وتابع: “أنا ضحكت وقولتلها يعني انتي مصدقة إن كل اللي أنا عملته ده والمصاريف دي كلها ورايح جايبك من أهلك واتخطبنا في شهر ومكملناش شهرين وكنتي في بيتي واتجوزنا، كل ده فيلم” .

واستطرد: “طب ما لو فيلم اجيب أي واحدة من الشارع أو أي زميلة ليا ونعمل ده ومن غير المصاريف .. وطلبت منها بعد كده تقفل كل حساباتها على السوشيال ميديا، ووافقت لإن أي حاجة بقولها عليها بتوافق” .