“انا عاجبني شكلي جداً بصراحة”.. أسما شريف منير ترد على انتقادات بعد حلاقة شعرها بالكامل

خرجت الفنانة المصرية اسما شريف منير عن صمتها وردت على الانتقادات التي تعرضت لها جراء قيامها بحلاقة شعرها بالكامل.

ونشرت صورة لاطلالتها في مهرجان القاهرة للدراما وعلقت عليها قائلة: “طيب اول حاجة شكراً علي كل ردود الفعل، الوحشة و الحلوة كلها، ساعات موقف زي دي بتخلي ناس تشوف ناس تانية عاملين ازاي مجرد انهم بيعبروا عن رأيهم، و شكراً لكل الناس اللي كانت خايفة و قلقانه عليا، ممكن بقي اقولكم الحكاية من وجهة نظري ببساطة..”

وتابعت “اولاً الحكاية جت بالصدفة جداً و كان قرار لحظي و انفعالي جداً و مش ندمانه عليه، تاني حاجة انا مش بعمل كده عشان اطلع ترند بس كنت عارفة اني هبقي ترند، في فرق كبير بين عايزه و عارفة، علي فكرة الترند ده نقمه مش حاجة حلوة خالص بس مش هدخل في الجدل ده دلوقتي، تالت حاجة انا الحمد لله كويسة و مبسوطة و مش واخدة الخطوة دي بسبب اكتئاب خالص بالعكس”

واستطردت: “دي صفحة جديدة حلوة مليانه تفاؤل و قوة و ارادة و تحدي و جرأة و شجاعة و كل حاجة ايجابية في الكون، انا فعلاً من فترة كنت بمر بمرحلة صعبة جداً بس كنت في رحلة بقالي شوية بتعافي منها و بقف علي رجلي من الاول و كان اخرها رحلة دهب، فا تاني بالعكس ده مش اكتئاب ده مرحلة انتقاليه مؤمنه اني هحقق فيها حاجات كتير..”.

واختتمت: “اخر حاجة الجماعة اللي مكبرين الموضوع (ده شعري مش شعرك) حاجة كده بجد اخيرة (انا عاجبني شكلي جداً بصراحة، شكله جامد و مديني ثقه في نفسي جداً بحبكم اوي بجد  ”.

• حفلات الطلاق تعود إلى الواجهة من جديد.. سيدة توزع الذهب على المارة في آخر أيام عدتها
• وفاة سيدة هندية أثناء الولادة في المنزل بمساعدة زوجها.. تفاصيل مثيرة