فنانة مصرية تثير الغضب: “مخافش أموت وأنا لابسة بدلة الرقص”
أعادت الفنانة المصرية لوسي نشر تصريحات سابقة لها أكدت فيها عدم خوفها من الموت وهي مرتدية بدلة الرقص، وأشارت إلى أن قيامها بذلك سيكون أمام مرأى الجميع وشبهت إرتدائها لبدلة الرقص بارتداء الطبيب للكوت الأبيض الخاص به.
وقالت خلال حلولها ضيفة على برنامج “العرافة” للإعلامية بسمة وهبة: “أنا مبعملش بجاحة، بعمل فن، رقص بلدي معترفة بيه ومرسوم على جدران قدمائنا المصريين” .
وجهت بسمة سؤالا لـ لوسي قالن فيه: “إزاي تصالحتي مع نفسك إنك ترتضي أكل عيشك يكون من الرقص؟” .. فردت قائلة: “ده نصيبي ومكتوب عليا كده إن أنا هبقى رقاصة وهدخل معهد الباليه وأخرج منه اشتغل في الأفراح الشعبية” .
وأضافت: “وبعدين ابقى كومبارس، وبعدين ابقى ممثلة وابقى نجمة وبطلة ومشهورة .. أنا حابة الفن بدليل إني كنت في معهد الباليه وأنا 9 سنين واشتغلت في الأفراح وأنا عندي 11 سنة وكنت بقول إن أنا أكبر من كده علشان الناس تحترمني” .
واستطردت: “أنا عملت حاجة العالم كله بيحبها وبيقدرها إلا هنا” .
وعن سبب عملها كراقصة في عمر صغيرة، قالت “رقصت عشان كان عندي ظروف وأنا اللي اخترت وتبرعت وسبت دراستي وكل حاجة، كنت بكمل في المدرسة بس مكنتش مهتمة على أد إن أنا أهتم أجيب قرش تقدري تفطري بيه حد الصبح” .
واختتمت: “كانت الظروف كده، الجواز اللي بالغصب والجواز اللي مش راضي عليه الأهالي من هنا أو من هنا بيعمل مشاكل واللي بيطلع على الأطفال ..ب س أنا ربنا أداني تمن حلو، سمعتي حلوة والناس بتحبني وبحب الناس والشغل والرقص والتمثيل والفن” .